Sofía Castañón rinde cuentes a les bases [publicada noticia de EFE en El Comercio, 10 de marzu de 2017]
La diputada asturiana nel Congresu y Secretaria d’Igualdá, Feminismos y LGTBI de Podemos, Sofía Castañón, pidió güei (1o de marzu) al Gobiernu d’España “responsabilidá política” pa poner en marcha midíes que favorezan la igualdá efectiva ente homes y muyeres y que “son de xusticia”.
Antes de participar nun alcuentru coles bases de Podemos Xixón, Castañón llamentó’l vetu que sufrió per parte del PP una proposición de llei de la formación morada pa oldear los permisos de maternidá y paternidá y faelos “intresferibles”.
En declaraciones a Efe, esplicó que la so puesta en marcha supondría un costu de 200 millones d’euros al añu, “abondo menos” que lo que’l Gobiernu del Estáu gasta en trenes AVE, comentó.
Sofía Castañón afirmó que ye “hipócrita ya insensatu” que’l PP refugue midíes d’esti tipu que sirven pa combatir la fienda salarial ente homes y muyeres.
Mientres l’alcuentru coles bases de Podemos, la diputada presentó la iniciativa “Espaciu pal Cambiu-Esteva”, que’l so oxetivu ye crear un llugar d’alcuentru mientres la celebración de la Selmana Negra de Xixón 2017: alderique y reflexón d’asuntos políticos y sociales pa la cual empecipióse la recaldación de fondos.
Espaciu pal Cambiu-2018 